2021 թ-ի դեկտեմբերի 15-ին «Ձեռնարկությունների եվրոպական ցանց Հայաստան» ծրագրի շրջանակներում մարքեթինգի և էլեկտրոնային առևտրի թեմաներով կայացավ առցանց ուսուցողական սեմինար։
Մասնակիցներին ողջունեց «Էնթերփրայզ Արմենիա» հիմնադրամի Միջազգային համագործակցության և բիզնեսի միջազգայնացման ծրագրերի թիմի ղեկավար Անի Խանդամիրյանը, ով հպանցիկ ներկայացրեց «Ներդրումների աջակցման կենտրոն» հիմնադրամի գործառույթները և «Ձեռնարկությունների եվրոպական ցանց Հայաստան» ծրագրի կողմից տրամադրվող ծառայությունները։
Դասընթացը վարեց մարքեթինգի, միջոցառումնների կազմակերպման և խորհրդատվության ոլորտի մասնագետ Էմմա Սարգսյանը։
Սեմինարի հիմնական թեմաներն էին՝
- Մարքեթինգ և բրենդինգ
- Մարքեթինգային ռազմավարություն
- Փաթեթավորում և մակնշում
- Էլեկտրոնային առևտուր։
Սեմինարի ընթացքում մասնակիցները կատարեցին վարժանքներ վերը նշված թեմաներով և հնարավորություն ունեցան հարցուպատասխանի միջոցով ստանալ իրենց հուզող հարցերի պատասխանները։