Տեղեկատվական տեխնոլոգիաների (ՏՏ) ոլորտում գործող ՓՄՁ սուբյեկտներին հրավիրում ենք մասնակցել «Նորարարության կառավարում» թեմայով մենթորային ծրագրին: 

 

Ծրագրի հիմնական նպատակն է՝ «Նորարարության կառավարում» թեմայով իրականացնել մենթորային դասընթաց ՏՏ ոլորտում գործող առնվազն 10 ընկերությունների համար: Այնուհետև, նշված 10 ընկերություններից ընտրված 5 ընկերությունների համար կազմակերպել անհատական ուղեկցում՝ նորարարության կոմերցիալիզացիայի և անհատական ճանապարհային քարտեզի մշակման ուղղությամբ:

  

Ծրագրին կարող են մասնակցել ՏՏ ոլորտում գործող ՓՄՁ-ներ, որոնք.

● առաջարկում են արդիական խնդիրների լուծումներ, 

● ունեն մշակված նորարարական գաղափար և/կամ պրոդուկտ,

● ունեն բիզնես պլան՝ այդ թվում ֆինանսական վերլուծություններ և անհրաժեշտ ներդրման գումարի հաշվարկներ, 

● ունեն գործառույթներն իրականացնելու համար անհրաժեշտ բազմապրոֆիլ թիմ, 

● ունեն նորարարական գաղափար և/կամ պրոդուկտ, որը ենթակա է միջազգայնացման։

 

Ծրագրի ավարտին ընտրված առնվազն 5 ընկերությունները մասնագետների կողմից կստանան անհատական խորհրդատվություն, կմշակվի անհատական ճանապարհային քարտեզ, ինչպես նաև կունենան նորարարական գործունեության ներդրումային գրավչություն և ֆինանսավորման միջազգային հնարավորություններ (այդ թվում՝ Horizon 2020, ՓՄՁ գործիք, բիզնես աքսելերացիա, սկզբնական ֆինանսավորում (seed capital) և այլն):

 

Ծրագրին մասնակցելու համար գրանցվեք հետևյալ հղմամբ. http://goo.gl/forms/KVRAikLUgRHzu40C3 մինչև ս․թ․ հոկտեմբերի 22-ը։ Ծրագրին մասնակցությունն անվճար է։